ന്യൂദല്ഹി: തെഹല്ക കേരള സ്പെഷല് കറസ്പോണ്ടന്റ് കെ.കെ. ഷാഹിനക്കെതിരെ കര്ണാടക പൊലീസ് രജിസ്റ്റര് ചെയ്ത രണ്ടുകേസുകളും പിന്വലിക്കണമെന്നും ബംഗളൂരു സ്ഫോടനവുമായി ബന്ധപ്പെട്ട മുഴുവന് വസ്തുതകളും വെളിപ്പെടുത്താന് കര്ണാടക പൊലീസ് തയാറാവണമെന്നും പ്രമുഖ സാംസ്കാരിക നായകര് ആവശ്യപ്പെട്ടു. യു.ആര്. അനന്തമൂര്ത്തി, ജാവേദ് അക്തര് എം.പി, ഐ.സി.എസ്.എസ്.ആര് ചെയര്മാന് ജാവേദ് ആലം, ടീസ്റ്റ സെറ്റല്വാദ്, ഒ.എന്.വി, ശശികുമാര് ജാവേദ് ആനന്ദ്, കെ. സച്ചിദാനന്ദന്, ബാദ്റി റെയ്ന എന്നിവരാണ് കര്ണാടക പൊലീസ് നടപടിയെ രൂക്ഷമായി വിമര്ശിച്ചത്.ബംഗളൂരു സ്ഫോടനത്തിന്റെ യഥാര്ഥ ചിത്രം അറിയാന് പൗരസമൂഹത്തിന് അവകാശമുണ്ട്. മാധ്യമപ്രവര്ത്തകര് അവരുടെ കടമ നിര്വഹിക്കുമ്പോര് അവര്ക്കെതിരെ എതിര്കേസ് രജിസ്റ്റര് ചെയ്യുന്നത് ഗൗരവത്തില് കാണേണ്ടിവരും. ഷാഹിനയുടെ അന്വേഷണ റിപ്പോര്ട്ട് പൊതുജനമധ്യത്തിലുണ്ട്. പൊലീസിന് വിയോജിക്കാം. ചര്ച്ചചെയ്യാം. എന്നാല്, പൊലീസ് റിപ്പോര്ട്ട് അറിയാന് സമൂഹത്തിന് ആഗ്രഹമുണ്ട്. മഅ്ദനിക്ക് തീവ്രവാദപ്രവര്ത്തനവുമായി ബന്ധമില്ലെന്നോ ഉണ്ടെന്നോ പറയുന്നില്ല. അത് കണ്ടെത്തുന്നതിന് ശരിയായ അന്വേഷണം വേണമെന്ന് സാംസ്കാരിക നായകര് പ്രസ്താവനയില് പഞ്ഞു.
ಕಾಮೆಂಟ್ಗಳಿಲ್ಲ:
ಕಾಮೆಂಟ್ ಪೋಸ್ಟ್ ಮಾಡಿ